السلام عليكم ورحمة الله وبركاتة
معكم اخوكم المهندس علاوي السيد راح نتكلم بهذه التدوينة عن موضوع مهم ويجهلة الكثير من الاشخاص وهو موضوع استلام ارباح (ادسنس) من اليوتيوب او الموقع .
كل الي عليك فعلة هو التوجة الئ احد المصراف التالية التي تدعم استلام الحوالات من ادسنس وهي
((مصرف التنمية--مصرف التجارة --مصرف اشور في بعض الافرع وليس جميعها))
بالنسبة الي سويت على مصرف التنمية
المستمسكات المطلوبة
*هويتك/البطاقة الموحدة
*شهادة الجنسية
*جواز السفر
*بطاقة السكن
*البطاقة التموينية (بطاقة الكمية)
*صور عدد 2
تاخذهن وتتوجة الاي فرع تريد تفتح حساب يمة وتكلهم اريد افتح حساب مصرفي (توفير) بعملة اليورو راح يتم فتح الحساب وينطونك معلومات الحساب مالتك احيانا بنفس اليوم واحيانا بعد 3ايام علما لا يوجد اي عموله لفتح الحساب بعد ما استلمت معلومات الحساب المصرفي تتوجة لحساب الادسنس الخاص بك وتضيف طريقة الدفع ثم تختار تحويل بنكي وتسجل المعلومات الي استلمتها من المصرف وضروري تتاكد من كل حرف تكتبة بعد الاظافة راح يكلك تم اصدار الدفعة تنتضر فد 7ايام وتروح للمصرف وكلهم اريد اتاكد اذا اجتني حوالة او لا وتنطيهم اسمك بعد التاكد راح ينطونك صك تسجل اسمك وتوقع ويدزوك ع ابو الصندوق وتستلم فلوسك او تدفع 15 دولار وراح تستلم بطاقة واي شي ينزل بالحساب تلقائيا يتحول للبطاقة وتكدر تسحبة بدون اي عمولة
تجربتي هذه مع مصرف التنمية فرع البصرة
*ملاحظة
عند وصل الحوالة للمصرف يتم تحويلها من اليورو للعراقي بمعنا ينطيك ما يساوي مبلغك لكن عراقي